冬至聖誕聚餐

我既好妹妹專為我地聯絡攪大食會......

其實係早幾日已經外出做節, 但每年好妹妹都為各人預備聖誕禮物, 咁就琴晚攪多次冬至聖誕聚餐...只係整d簡單野

 

本來呢個都唔想整, 但係pizza hut實在太難食, 又貴到離晒譜, 郁手唔駛一舊水就有兩個批, 又可以試下麵包機既薄餅麵團功能

 

 

尖椒皮蛋, 買左四川皮蛋(黃色) 試下, 係冇咁大"尿壓味" 嘻嘻, 核突少少添

 

 

 

 

其他, 行行地啦, 寫呢篇係記低琴晚係我結婚註冊16週年, 我收到呢份禮物, 超鐘意, 另一半知我孤寒唔捨得買, 佢搵左朋友搵代購係日本訂番黎, 我好多謝佢既心思, 我就衰啦, 都冇諗買咩比佢, 不過佢又慣晒!

 

 

栗蓉

一路都覺得街外現成栗子蓉好甜, 好想自己整, 終於"的"起心肝.....真係要有耐性

跟Allie整, 少甜少油健康版

蛋兩食

囝囝測驗, 一測就八星期, 閉關閉足八星期, 一放監我就約晒d老友飲飲食食啦.....

一日食西餐, 一日食中餐, 西餐甜品諗左creme brulee, 因為又想試火槍, 只用蛋黃, 剩番既蛋白留起第二日中餐既蛋白鮮奶燉椰皇, 全部清晒。

 

 

開蠔

近年已經很少很少吃自助餐, 一來質素下降, 二來肚皮吃不消, 所以很久沒有吃生蠔, 有到了吃蠔既季節, 看到廣告忍不住, 學懂了開蠔, 便可相約了一班好友聚一聚, 一心想試的是belon0000, 可是朋友說用批發價需要訂50只, 實在太多, 而且未有貨源, 便介紹了上面的那兩款, 左面的Gilladeau,右面的White pearl。

在家飲着吃着, 雖然white pearl比較厚肉, 可是他們愛gilladeau較多, 其實吃生蠔有點奢侈, 一只一口, 一吃半打, 而且我這劉伶, 少不了酒, 六人分享了兩瓶白酒, 兩瓶紅酒,不易樂乎。

燒豬頸肉

囝囝食到唔停口, 仲唔信係我醃, 話係街買番黎, 比佢激c, 焗緊時掛住打機, 個鼻都聞到香味啩, 兩塊豬頸肉佢食左一塊半, 佢既身形大把本錢食, 要encore.

麻辣雞煲

我愛辣，見我網名都知，但一年一年長大，應該話一年一年咁老起黎，要收歛下，少了吃辣，見朋友去食雞煲，自己閉關，冇得去，唯有自己煮，本來想試另一款麻辣醬，點知家附近搵極都買唔到，就粗粗地試左李錦記，好過冇啦，真係一般。好彩之前係雲南四川香料買落d香料, 加埋落去都見得下人, 因為要就屋企人, 所以係BB辣, 下次一定要辣D麻D。
 

止咳

哈哈~唔好以為我有好介紹, 當我開心唔開心我都想食....辣, 刺激一下

只可惜年紀大身體壞, 收歛了很多很多.....不想太傷腸胃了

上次去惠州旅行, 妹妹說要買這碗即食東西回港做手信, 四元人仔一個, 香港暫時好像沒有地方賣, 當想刺激一下時, 就可以止止咳!

Mimosa 拿破崙

朋友送來這甜品，據說很有名，我和另一半都愛拿破崙，嚐過後，失望，不是我喜歡的法式，芒果酸得一點芒果味也沒有，一件賣的價錢並不便宜，應不會再光顧了。

水抱 ~ 貝果 Bagel

焗完的一刻, 開心到不得了, 因上次造時麵團接口不好, 全由圈圈變成長條, 失敗了! 這次跟Allie和在網上偷師後, 終於明白, 大成功。

2013.10.01

17小時 ~ 無花果合桃包

這個包包是我自己手造而最愛的一款包, 因為吃過這包的人都讚好, 事實是其他包包做得不好呢!

天兔將超市都一掃而空, 那天(2013.09.22)自己又動手了!

Strawberries Mille Crepe Cake

經過富澤商店, 看到這士多啤梨忌廉醬, 就知道兒子必愛, 買下來, 本想做蛋卷, 但看到KB的千層蛋糕, 就想應可用來做抹醬。

手藝真差勁, 我的太空館與KB的圓型蛋糕, 差太遠了, 幸好味道卻很好。

鹽麴+醬油麴

從前逛超市經常看見米麴, 現在因大家的分享經常缺市, 昨天遇到便馬上買下, 試一試你的神奇力量!

帽子

很難才拍到一張, 兒子開始打扮, 外出時會配襯一下。

新居

遷到這兒, 重新開始!